പെരുമ്പളത്തിന്റെ സാംസ്കാരികചരിത്രം

പെരുമ്പളത്തിന്റെ #സാംസ്കാരികചരിത്രം
(ചരിത്രമുറങ്ങുന്ന പെരുമ്പളം ഗ്രാമം : ലേഖന പരമ്പര ഭാഗം : 3 )
അനേകം ക്ഷേത്രങ്ങളാലും, വിവിധ സാംസ്കാരിക സംഘടനകളാലും സമ്പന്നമായയൊരു സാംസ്കാരിക ചരിത്രം പെരുമ്പളത്തിനുണ്ട്.
നാടകം, ബാലെ, പരമ്പരാഗത നാടൻ കലകൾ, ഗ്രന്ഥശാലകൾ, വായനശാലകൾ, കായികയിനങ്ങൾ, കയ്യെഴുത്ത് മാസികകൾ തുടങ്ങിയ കലാ കായിക സാംസ്കാരികരംഗത്ത് സമ്പന്നമായൊരു ഭൂതകാലം നമ്മുടെ ഗ്രാമത്തിലുണ്ടായിരുന്നു.
ശ്രീകൃഷ്ണവിലാസം പ്രഹസന യോഗം യോഗക്ഷേമ സമാജം, ടാഗോർ ആർട്സ് ക്ലബ് ഫൈനാർട്സ്, സി.കെ.പി.എം ഗ്രന്ഥശാല, വീനസ് തീയറ്റേഴ്സ്, വൈ. എൻ.എം. എ ,പണ്ഡിറ്റ് കറുപ്പൻ ഗ്രന്ഥശാല, പി.ഐ.എസ്.എ, എ.കെ.ജി.എം.സി, നെഹ്റു യൂത്ത് സെന്റർ, കുമാരനാശാൻ സ്മാരക വായനശാല ഫ്രണ്ട്സ് ഡ്രാമാറ്റിക് ക്ലബ് ,ഐലൻഡ് ഡ്രാമാറ്റിക്ക് ക്ലബ്, ഐലന്റ് തീയേറ്റേഴ്സ്, പി. സി. സി. തുടങ്ങിയവ പെരുമ്പളത്തിന്റെ സാംസ്കാരികനഭോ മണ്ഡലത്തെ ഉജ്വലമാക്കിയ സാമൂഹിക പ്രസ്ഥാനങ്ങളാണ്.
പ്രശസ്തരും, പ്രഗൽഭരുമായ സാംസ്കാരിക പ്രവർത്തരുടെ നാടായിരുന്നു പെരുമ്പളം. കെ. എൻ.വിശ്വനാഥൻ , വിദ്വാൻ കൃഷ്ണദേവ്, പെരുമ്പളം രവി, എൻ.പി.സുകുമാരൻ, പി. എൻ. പെരുമ്പളം, പെരുമ്പളം ശ്രീധരൻ തുടങ്ങിയ എഴുത്തുകാരുടേയും, സാംസ്കാരിക പ്രവർത്തകരുടെയും ഒരു നീണ്ടനിരതന്നെ നമുക്കുണ്ടായിരുന്നു. പ്രശസ്ത കവി ചെമ്മനം ചാക്കോ പ്രാഥമിക വിദ്യാഭ്യാസം ചെയ്ത സ്ഥലം കൂടിയാണിത്. പ്രശസ്ത നോവലിസ്റ്റായ എസ്.കെ. മാരാർ തന്റെ സാഹിത്യ ജീവിതത്തിന്റെ ഏറിയ പങ്കും ചെലവഴിച്ചത് ഇവിടെയായിരുന്നു.
കെ.പി.കേശവമേനോൻ, കേളപ്പജി , മന്നത്ത് പത്മനാഭൻ, ആർ. ശങ്കർ , ഇ.എം.എസ് നമ്പൂതിരിപ്പാട്, വി.കെ. കൃഷ്ണമേനോൻ തുടങ്ങിയ പ്രശസ്തരായ വ്യക്തികൾ ഈ നാട് സന്ദർശിച്ച് ധന്യമാക്കിയിട്ടുണ്ട്.
വിദ്യാഭ്യാസ മേഖലയിൽ നമ്മുടെ നാടിന് അഭിമാനാർഹമായ ഒരു പശ്ചാത്തലമുണ്ട്. 1850 ൽ സ്ഥാപിച്ചതും H S L P S എന്നറിയപ്പെടുന്നതുമായ സ്കൂളാണ് പെരുമ്പളത്തെ ആദ്യത്തെ വിദ്യാലയം. 1902 ൽ ദ്വീപിന്റെ തെക്കു ഭാഗത്ത് മഠത്തുംമുറിയിൽ ശ്രീ ഗോപാല പണിക്കർ സ്ഥലവും കെട്ടിടവും സൗജന്യമായി സർക്കാരിലേക്ക് കൊടുത്ത സൗത്ത് എൽപി സ്കൂളും ,1961 ൽ ശ്രീ.വെള്ളേ ചിറയിൽ ഭാസ്കരന്റെയും മറ്റും ശ്രമഫലമായി എസ്. എൻ. ഭജന യോഗം സംഭാവന ചെയ്ത സ്ഥലത്ത് നോർത്ത് എൽപി സ്കൂളും പ്രവർത്തനം ആരംഭിച്ചു. 1961 ൽ പട്ടം താണുപിള്ള മുഖ്യമന്ത്രിയായിരുന്ന കാലത്ത് ശ്രീ ടി .പി കേശവപിള്ള സാറിന്റെ ശ്രമഫലമായി ഒരു ഹൈസ്ക്കൂൾ ഉണ്ടാവുകയും, നാട്ടുകാർ ഉൽപ്പന്ന പിരിവ് നടത്തി ,പണം സംഭരിച്ച് സ്ഥലം വാങ്ങി സർക്കാരിലേക്ക് നൽകി സ്കൂളിന് ഒരു പുതിയ കെട്ടിടം നിർമ്മിക്കുകയും ചെയ്തു .1991 മുതൽ ഇതൊരു ഹയർസെക്കൻഡറി സ്കൂളായി പ്രവർത്തിച്ചു വരുന്നു
തുടരും..

Comments

Post a Comment

Popular posts from this blog

Perumbalam bridge

Image
Perumbalam bridges project   The residents of Perumbalam Island in Vembanad Lake are awaiting administrative sanction to the Rs.160-crore project, proposed by the Public Works Department (PWD), for a series of bridges connecting the island with Poothotta in Ernakulam district and Panavally in Alappuzha district. The PWD conducted a survey in January for the proposed bridges that will provide road connection to the island with the main land. The Assistant Executive Engineer (Roads Subdivision), PWD, who conducted the survey, submitted the report to the Government. If the proposal gets administrative sanction, the long wait of the residents of this island for better road connectivity is bound to end. The project includes a 225-metre-long bridge from Pathrakkadavu at Poothotta Jetty to Vattavayalthuruthu, an island near Perumbalam Island; a 750 m bridge from Vattavayal island to Vattukadu in Perumbalam Island and a 1,600 m bridge connecting Perumbalam Jetty to Panavally Jetty in Alap...
Read more

പെരുമ്പളംപാലം

Image
പെരുമ്പളം ദ്വീപ്‌ നിവാസികളുടെ ഏറ്റവും വലിയ സ്വപ്നമാണ് മറുകരയുമായി തങ്ങളെ കൂട്ടിയിണക്കുന്ന ഒരു പാലം .....അതിനായി അവര്‍ മുട്ടാത്ത വാതിലുകളില്ല ...അവസാനം പ്രതീക്ഷയുടെ ഒരു നുറുങ്ങു  വെട്ടം അവര്‍ക്കുമുന്നില്‍ തെളിഞ്ഞു ...പാലത്തിനുള്ള അനുമതി സര്‍ക്കാര്‍ നല്‍കി .......അവര്‍ കാത്തിരിക്കുന്നു ഇനി പാലം പണി എന്നു തുടങ്ങും ???
Read more

എന്‍റെ നാടിന്‍റെ ചരിത്രം (The history of Perumpalam )

Image
കുഞ്ഞോളങ്ങള്‍ ചിലമ്പുന്ന വേമ്പനാട്ടു കായലിന്‍റെ വിരിമാറില്‍ ഒരു മരതക പതക്കം കണക്കെ വിരാജിക്കുന്ന മനോഹരമായ ഒരു കൊച്ചു ദ്വീപാണ് പെരുമ്പളം .പച്ച പുതപ്പണിഞ്ഞ നെല്‍പാടങ്ങളും , തല ഉയര്‍ത്തി നില്‍ക്കുന്ന കേരവൃക്ഷങ്ങളും ഈ നാടിന്‍റെ  പ്രകൃതി മനോഹാരിതയ്ക്ക് ചാരുതയേകുന്നു .അനവധി മഹാ  ക്ഷേത്രങ്ങളുടെ നാടുകൂടിയാണ്  ഈ കൊച്ചു ഗ്രാമം .   A  D  1341 ജൂണ്‍ മാസത്തിലെ വിനാശകരമായ വെള്ളപോക്കത്തില്‍ പല പ്രദേശങ്ങള്‍ക്കും  ഭൂമി ശാസ്ത്രപരമായ  പല മാറ്റങ്ങളും സംഭവിച്ചു . ഒരിക്കല്‍ ഇന്നത്തെ പൂത്തോട്ടയുമായി ചേര്‍ന്ന് കിടന്നിരുന്ന ഈ പ്രദേശം ആ വെള്ള പൊക്കത്തില്‍ , മൂവാറ്റുപുഴ ആറ്  കവിഞ്ഞൊഴുകി  പൂത്തോട്ടയില്‍ നിന്നും അകന്നു മാറിയതായും  ഭൂമിശാസ്ത്രകാരന്മാര്‍ രേഖപെടുത്തുന്നു .ഈ ദ്വീപിനെ ചുറ്റി ധാരാളം ചെറു ദ്വീപുകളും നമുക്ക് കാണാം  .ഇതെല്ലാം സൂചിപ്പിക്കുനത്  ഒരിക്കല്‍ ഈ ദ്വീപുകളെല്ലാം ഒന്നായിരുന്നു എന്നാണ്  പെരുമ്പളം എന്ന  പേരുണ്ടായത് പള്ളം എന്ന വാക്കില്‍ നിന്നാണെന്ന് പറയപെടുന്നു .പള്ളം എന്നാല്‍ ചത...
Read more